雖然我平時聽歌多過食飯,
我甚少會0係自己 blog 打新碟 review,
因為我覺得, 每隻碟每首歌都有0岩 feel 0既時候,
尤其對於係心情起伏大0既人, ( 好似我咁 )
所以, 無咩話特別鍾意 / 唔鍾意,
隨心就可以了。

但近呢一個月一口氣買左三隻 CD,
謝安琪, 陳奕迅, 張敬軒一向都係我必買之選,
佢地三個0係同期出碟,
所以真係忍唔住要發表 :P

第一隻係最令我失望0既謝安琪 < yelling >
因為除左 track 3 "直角等於三角形" 係 keep 得住個人風格之外,
( 中段 acid jazz keyboard solo 印象深刻, 歌詞夠寫實, "蠢鈍做人有益消化, 臀部來做腦袋好嗎", 終於有首歌俾我鬧爆蠢人了 - 我最憎就係同蠢人溝通 -_-! thank you 周博賢, i buy. )
仲有其次0既 track 2 "字裡行奸" 幾新鮮, ( 新鮮還新鮮, 但 kay 都唱得未夠好 )
呢兩首好明顯係周博賢幫 kay 度身訂造之作,
總算唔錯。

其餘 6 首新歌係立立雜雜,
有勁扮王菲0既 "吶喊", ( 妳需要演唱會歌, 原諒妳 )
咁 "紅衣天使" 呢 ? kay, 妳是 kay, 不是容祖兒, 不需要太多跳舞歌呢 ... ( 最主要原因係妳 handle 得唔好 -_- )
但再黎多首 techno 0既"方玲霞" 就真係無得救了。
仲有, 要唱快歌唔係問題,
問題在於, kay 掌握唔到自己0既風格。
好似 hocc 咁, 快歌慢歌一律照唱, 慢則有 "化碟", "木紋" 之類0既代表作, 快則有 "娃鬼回魂", "幽默感", "大紅袍" 等。
但一聽就好 "何韻詩" - 如果歌手個名係唯一可以用黎形容首歌0既形容詞, 就是她的成功了。

好, 唔講快歌, 講慢歌,
第一主打 "祝英台" , 感情嚴重失準
( 唱 "鍾無艷" 0的感情去晒邊? 完全無 heart, 零驚喜。kay 絕對有 potential 唱得好十倍 )
反而我較喜歡 "年度之歌",
可能我對出自 chris 手筆0既歌都有一0的情意結,
好笑之處係 wyman 0既詞, 形容現在香港人對於一首會令佢地窩心0既歌0既壽命已經越來越短 - 係, 就好似 "囍帖街" 同 kay 咁, 是嗎?
我喜歡 wyman 呢一份諷刺,
很可愛。

至於 "我最喜愛的歌", 一個字: 唉 !!!
今次呢一首, 就係一貫 eric kwok 作風,
佢最弱項係揀歌手唱佢0既作品呢一環
就憑佢當初話 "囍帖街" 係寫俾林海峰呢一下,
就知佢呢一範係奉旨出事。
我個人認為如果呢首歌寫俾 eason, 個效果可能會唔錯。
我一直不太喜歡 eric kwok
佢0既唯一風格係 : 零音樂感 -_- 
佢用0既方法係, 洗你腦
例子係 "煙霧瀰漫", "華麗邂逅", "夕陽無限好" 呢0的所謂 "代表作",
"夕陽無限好" 唔係唔好, 但好0既只係林夕同 eason,
佢仲夠膽死話 "華麗邂逅" 已經作左 12 年, 一直都未有女歌手適合唱,
( 未有女歌手可以令你首歌起死回生咋下嘛 ? )
留意下 chorus 0既 repeat 率, 奇高。
chorus 裡再 repeat chorus,
聽一次就等於聽左十次,
好難唔 "流行" 架喎。
technique 呢0的野, 可以學返黎
但音樂感呢樣野, 係天份黎, 無就係無。
對我黎講, eric kwok 就係一個打工仔, 寫歌搵食的一種。
就好似李克勤唱歌0既道理一樣,
一樣都係無音樂感。
至於點解 eric kwok 作0既 "囍帖街" 可以咁成功,
我個人認為係因為 ... 好彩。
( 你可以覺得我主觀, 但音樂不就是主觀的嗎? 哈哈。)
我真的是這樣認為,
"囍帖街" 的成功, 係一個火花, 一個 eric kwok + wyman + kay 創造出黎0既火花
* a spark only *
試問 eric kwok 入行十幾年, 有幾多首咁紅0既歌? 唔係好彩係乜野。 
既然呢個成功你都等左咁多年, 唱片公司堅持 kay 要錄返首國語版囍帖街 - "歡送會"
fine, 無問題, 但對我黎講絕對唔係一首新歌, 所以我話全隻碟係得 8 首新歌就係咁解。

and, oh man - 全碟最大0既 irony,
最後一首歌 - "開卷快樂"
說真的, 全碟我最最最喜歡的一首歌
好好笑地, 0係隻碟臨完之前要提一提我 - 原來謝安琪以前0既歌係咁好, 咁謝安琪的。
真係唔該晒。

全隻碟, 我彈多過讚, 係因為真係好失望。
我曾經都為左謝安琪0既 live "the one & only" 感動過, wow 過, 驚喜過,
現在0既謝安琪, 就好似 eason 出 U87 果隻碟前幾年咁樣,
因為一時之間變左天王, 之後果幾年都搵唔返自己。
真正0既 eason 回歸, 當年真係 U87。
現在, 只有期待 kay 會返返黎
..... the one & only kay.

講完0的失望野, 係時候開心下, 講下 eason 隻 <H3M>
首先值得讚0既係, 碟名有幽默感。
H3M - eason 自稱係 "好好好賣" 咁解,
/clap
我想講: eason 你都真係 G3HS ( 幾幾幾好笑) 架喎, kakaka !!

封面都幾好, 成個耶穌咁, 襯復活節嘛! 形象又有新鮮感  ( 呢個係 eason "得天獨厚" 0既, 佢咁0既樣, 的確係可以玩到好多唔同形象0既, 哈哈哈 !!! 我地又唔需要娛圈個個都係靚仔。)
08 年無出廣東大碟 - 今次 eason 真係復活了。

一開波整首 "allegro, opus 3.3a.m."
呢首擺明係幫 eason 度身訂造0既,
係, 係咁又點? 都要佢 handle 到先得。
佢何止 handle 到, 仲要完全上晒身添,
呢0的咪就係叫做表演天份囉。
佢真係可以由尾二果段 "下世才吻我 ~~ " 去到最後一句 "Sad Sad My Sad Song" 短短 30 秒入面表達到 high, 爽, 喪, 放, 盡 high, 盡爽, 盡喪, 盡放, 再回落返去最後 sad ending.
好野, 係 eason 一個先可以做得到,
全碟我最 buy 0既一首歌。

第二最愛, track 6 "七百年後",
eason 0既演繹已經唔需要多講了, 一聽就會明。
我最為喜歡呢首歌0既編曲,
原來是 C Y Kong 的。
( 我有個疑問, 點解現在出碟咁多歌0既編曲都唔係擺埋0係作曲 / 填詞一齊寫 ? 要揭去 appendix 先有寫。點解啊, 我覺得編曲人的角色很重要的, 一首歌0既 feel 有幾表達得到, 都是靠編曲的功力呀, 如果編得唔好, 作曲填詞再好都好難令聽者一聽就有 "感同身受" 0既 feel, 唔好分開寫啦 ! )
當然唔少得林若寧首詞, 如果覺得無咩特別? 咁你一定要睇 < Wall. E > ( <太空奇兵. 威 E>) 呢套卡通戲喇, 首詞完全係 summarise 左套戲, 係講廢物整理機械人 Wall. E 七百年來一直獨自執垃圾0既任務, 最後因為 Wall. E 墮入愛河, 所以人類0既命運面臨重大危機。
"七百年後" 呢首歌就係講述 Wall. E 邂逅一個新 model 探測機械人伊芙0既心聲, 唱左呢首歌俾佢聽。

至於 "於心有愧", "太陽照常升起", 都係一般 eason 令佢地 "翻生" 0既 k 歌。"不來也不去" 係 C Y Kong 之作, 比前兩者好。

"今天只做一件事", "一個旅人", 出自 joey tang, 雷有暉手筆, 真係好太極。前者係 focus 0係 rock ballad style 同埋比較搶耳0既一段 guitar solo。後者, 我喜歡 eason 演繹 "一個旅人" 0既方式。要一個字帶幾個音係唔容易 handle 0既一件事, 佢 handle 得全無難度。( 0係呢0的情況, 如果個歌手 handle 得唔好, 個填詞人就會俾人鬧爆 :P )

反為係 "沙龍", eason 0既作曲令我有點 surprise XD 一向都覺得佢淨係識唱歌, 佢 "客串" 寫下歌仲要係擺最後一 track, 可能就係因為零期望, 所以有驚喜 XD

全隻 eason 都係好難形容, 因為無得好形容, 因為真係好 eason。整題黎講都係全 team 音樂人有默契所以睇得到隻碟0既成功。

最後到我最喜愛的壓軸 hins 了。

自從 < 笑忘書 > 之後, 好耐未試過有一隻碟係咁 hins 的 !!! 真的是久違了。

好似 < 酷愛 > 咁, 無計啦, 當年要幫 hins 大執, 唉, 唯有 "改變形象", J.C. 真係好野, 遺作黎架, 映得 hins 幾靚仔呀 XD lol. 但果隻碟, 除左 "酷愛" & "迷失表參道" 係好 hins 之外, 其他都係偏 k 歌。唱功係好, but i want more R&B man !!! that's why i love hins!!! 再來就係舊年0既 < urban emotions >, 唔係唔好0既 ... 係去唔盡囉。只有 "櫻花樹下" & "不吐不快" 係我會話勁好, 超好, 聽十年都得。但其他例如 "隱形人" ... 我曾以為自己聽緊吳浩康。

今次隻 < loving & living>, 最喜愛0既係 track 4 "披星戴月", 唔係因為佢係主打 ( 其實我一向不太喜歡主打的歌曲 ), 係因為 chris 0既曲, 林夕0既詞, 對上一次有呢個組合就係上一隻碟0既 "不吐不快", 絕對係講出唔少都市人0既心聲, 超有共鳴。今次呢一首, hins 唱得好盡, 好細膩, 超靚高音, 但係最絕0既反而係林夕。全首詞差唔多係零重覆, 除了 chorus 的幾句。但上下段的呼應實在一絕。我個人認為呢首歌可以試錄一個合唱 / featuring 版本 - 第一段由 eason 唱, 尾兩段由 hins 自己唱返。原因係林夕第一段想表達0既野, 由 eason 來 express 就最好不過了。因為 eason 有果種大男人, 只顧事業, 做大事, 兼有點無賴 (:P) 的 feel。第二段由較感性0既 hins 來唱就最 perfect 了, 形態上完全表達到果種後悔, 同埋無奈。而 hins 亦都 handle 這些高音比 eason 更仔細。不過咁, 如果唔係全首同一個人唱又好難反映到唱者的前後矛盾了。

講 technique, 講難度, 其實 "披星戴月" 係無舊年首 "櫻花樹下" 咁哇一聲, 但係呢個 magic combination 今次真係造到一個 miracle - 到現在依然係我 repeat 得最多0既一首, 絕對夠我聽埋呢一世。我有生以來未遇過一首會令我講得出呢句說話0既歌, "披星戴月" 絕對係第一首。

第二最愛係 track 6 "單打獨鬥", 徐日勤之作, 也是林夕的詞。雖然全碟有好多首潘源良呢0的上一輩0既詞, 但都係林夕最有共鳴, 最有 "叮" 一聲呢個 feel。呢首歌, 其實難度比起上一隻碟0既 "酩酊天使" 更高, ( 唱法其實很相似 ) 但今次好明顯係有心機好多, 出黎0既效果好很多。編曲亦都係一絕。

hins 自己寫的 "故園花茶", 親自監製, 係一首 blues, 好有一個 .... 望住 cosmopolitan 景飲住紅酒或紅茶時聽0既 feel, 聽得人萬分 relax。"笑忘書" 的感覺回來了。

林子祥手筆 "相對論", hins 唱得好林子祥, 有0的搞笑, 但有驚喜。首歌本身好好, 不過我始終覺得 hins 唔0岩唱快歌, R&B 0既 rhythms 就好足夠了, 不能再快。因為 hins 0既強項係細緻, 無必要為左有一快一慢0既主打歌而夾硬唱快歌。所以我覺得林子祥自己唱返會好0的 :P

"留低鎖匙" 係 show 到 hins 自己做碟果時0既自由發揮空間, 好貼題 - < love & living >, 一首佢自己中學年代喜愛的歌 ( 我和 hins 是同年出生的! 所以佢0係咩年紀聽咩歌同我好有共鳴 ), 而佢亦都翻唱得好有說服力, hins 絕對是翻唱高手, 上一次隻 < 拉闊變奏廳 > 佢就唱得好過原唱林憶蓮。

至於倫永亮的兩首 "溺愛" & "失戀有獎, 非常的倫永亮, 而經過 "從何唱起" 之後, hins 和他已經建立左一種默契, 一拍即合的 feel, 不用 rehearse。( i hope hins won't tell me that 其實呢兩首歌錄了 N 次 XD) 前者係現代版, 後者係 80 年代版。

金培達0既 "未來的回憶" 就好像新一代的 "愛是永恆", 好 grand, 好 appreciate, 好開心好感人的 feel。( 順帶一提, 美中不足的係本歌詞集0係 "未來的回憶" 中打漏左一個字。"在往日我沒法明, 難題多麼重不過很輕" 漏左個 "難"字, 我知道我是過份執著 :P ) 而杜自持的 "無名指的光環" 就有 "妳的名字我的姓氏" 0既影子 , 這兩首歌擺0係第 8, 9 首係絕頂聰明, 聽到接近尾聲, give us a break, give it a change.

全碟最無驚喜要算係 "曝光" 了, 我覺得呢首歌根本唔適合0係呢一隻碟出現。除左 "海豚音" 之外, 真係無其他值得留意, 只係一首 ... 演唱會歌, that's all.

總括黎講, 三隻碟之中我最  recommend < love & living >,
睇得出 hins 同之前兩隻碟0既分別,
值得一聽。

好耐無打過 blog, 估唔到一打就打左成晚,

將感覺打晒出黎, 好開心 =)